Jaloliddin Ahmadaliyev - Xavotirman, текст песни

Shodon demang, labim kular, dilim vayron
Ziyosi kam siyratimdan xavotirim
Jayron kabi jonim uchun hushim hayron
Sayyod ila suhbatimdan xavotirim

Tinim bilmay zulm qilar makkora nafs
Otash sari yetaklaydi hoyu havas
Savoblarim gunohimga kelgaymi bas
Kecha-tunlar g’aflatimdan xavotirim

Umr shamdek yonib-yonib tugar oxir
Ikki malak yelkam uzra mudom hozir
Neki amal qilgan bo’lsam, bari zohir
Menga hukm-hujjatimdan xavotirim

Fano ichra intihosin topsa yo’lim
Shahodatni aytarmikan sarkash tilim
Borar joyim bo’larmikan sokin, so’lim
Qabr tomon hijratimdan xavotirim